袁爸爸--維園阿伯扮代表救香港人！
---觀點多多，見解多多，其實是預測 20-06-08

朋友要我評一評呢一期好紅嘅袁爸爸(視頻)。睇咗佢兩三條片(其他的有些跳看)，條友講嘢幾趣緻，背脊厚(大商家、熟悉美國、花瓶袁的爸爸)，觀眾趨之若鶩。

條友好似乜都識D，又好似有Ｄ內幕。 觀點多多，見解多多(其實是預測)，卻是想當然耳，都是情緒化的wishful thinking，有些甚至講大話，蓋一維園阿伯矣。

條友個幾禮拜出咗10幾廿條片，其實只得幾個觀點(預測)，囉裏囉嗦，重複又重複，但又冇理論、冇證據、以及冇理據。除了他一些個人經歷之外，沒有值得聽之處。

(扮代表救香港人是以下一條片最後的一部份。)

https://www.youtube.com/watch?v=8wk7DaIMjkA
《袁弓夷(袁爸爸)：(中文字幕) 疫情損失慘重 美國會報仇重擊中共；預料在金融下手 港人莫怕要配合；習代江系掌管香港 控制政敵接管金融；國安法違法 美帶頭G7制裁｜2020年5月28日-268,594次•首播日期：2020年5月28日》

香港特產﹕假洋鬼子扮漢奸「救香港人」

果然，袁家三口子是假洋鬼子。

Quote:
「擁有加拿大國籍的林雨陽對本報表示，他於2018年9月向入境處申請退出中國國籍，並將其申報國籍變更為加拿大，入境處於當年9月11日發出確認函。」(2020-06-09-AM730)

維園阿伯式的言論(x)
---結語

(1:17:52)
袁﹕「而家全世界都行聯邦㗎啦！」
---聽到這一句，嚇得我幾乎從椅子掉下來，更斷定這個老頭是一個大懵佬。(費九事睇佢嗰條講新中國聯邦的視頻了)

(1:18:00)
關於袁老頭要去美國救香港人，講多一句。設若某個傻佬在馬路上演講，多人圍觀，不等於這些好事者是擁護傻佬也。先不說觀點，就這些common facts，就應該搞清楚先。這種認識水平，難道不怕貽笑大方？

(31)

維園阿伯式的言論(x)
---聯邦制(3)

靚女袁說新疆(自治區)、西藏(自治區)什麼的，目前是中央集權制下的非中央集權模式，即地方分權制。如台灣(單一制)的地方自治，地方首長由普選產生，是分權概念，與聯邦制異曲同工。而香港特別行政區的高度自治，分權程度甚至高於聯邦制，但一出事，可以中央集權(國安法)。same as短時間內就可換換掉湖北省書記及武漢市書記一樣，聯邦制的美國就仆街，州長同總統嘈交，另話。

關於聯邦制，本人於10幾年前在人網寫過幾帖。
《評譚志強的美國聯邦制與香港民主2007-02》
http://c4ckin.com/forum.php/foru ... 94&extra=page=1
(30)

維園阿伯式的言論(w)
---聯邦制(2)

當然，我們也知道，頭腦簡單的反對派們往往以為聯邦制好過(民主自由過)單一制(中央集權制)，成日期望中國可以成為聯邦制國家。以為咁，中國就會(全)民主化，真是天真的可笑。單一制(中央集權制)是普遍國家的制度，全世界有210多個，而且歷史悠久。聯邦制(分權、雙重制)是新興的，全世界只有27個。

中國是最歷史悠久的中央集權(文官)制國家(秦朝)，是最早建立現代政府(漢朝)的國家，歐洲國家要過千多年才追得上。中國在中共統治了70年之後，中央集權制施行得心應手。你想改，點改呀？而且和民主選舉無關，210多個單一制國家中，大部份是民主國家。聯邦制好比是聯合公司(兄弟公司)，「家族公司制」的中國冇可能改為聯邦制的。

(29)

維園阿伯式的言論(v)
---聯邦制(1)

---靚女袁係有個思路，但不知西東。即係咁，革命成功後，奪得了政權，擁有政權之後，才可討論或修改國家結構形式(政府體制)，現在是九唔搭八。

照正路，《新中國聯邦》不應用此名。進行革命，單一制和複合制(之一的聯邦制)與否，暫時是無關宏旨的，甚至治絲益棻，搞砸個party。

進行革命，現在中國既然以省做單位，當然以省來organize。靚女袁的思路錯哂，唔係叫某某省變成邦，然然和(大陸非民主的)邦(將來)併入新中國聯邦。小姐，那是建立新政權後的事呀！進行革命，是根據每一省選出/或挑出/或邀請一個革命領袖join入《新中國聯邦》，共舉大事。比方，某某是廣東省革命代表，唔通你叫佢做廣東州代表？那來廣東州？這好比，未結婚就替自己子女指腹為婚咁，好滑稽囉。

(28)

維園阿伯式的言論(u)
---聯邦制(1)

(1:17:30)
靚女袁﹕「假如香港一忽、台灣一忽，和大部份的非民主地區(指大陸)，點樣組成一個新中國聯邦呢？」

---臨尾靚女袁問埋咁大pat，其實亦是一個政治ABC的問題---聯邦制。可惜一個小學雞女兒問着一個小學雞父親。
It is a wrong question！根本不成立。聯邦制是一種國家結構形式(政府體制)，郝海東郭文貴提的是一個革命組織。二人根本係無文化，該革命組織唔知係乜---《新中國聯邦》中有個鬼佬組織(班農)，有一個叫「爆料革命」，10分搞笑。

(27)

維園阿伯式的言論(t)
---又談中印戰爭(3)

中印爭執及爭議的邊界，主要是東邊洞朗地區以及靠近巴基斯坦的西邊克什米爾地區，其他的還有零星地區。1962年，印度趁住中蘇交惡，受美國的支持，突襲東邊洞朗地區，成功。

中國大軍艱難地西進迎敵，先殲滅東邊印軍，再而在西邊的克什米爾地區地區大舉反攻，一直直搗黃龍，大軍推進至印度首都新德里數百里之外，印度存亡之秋。印度方大敗，舉國震驚，成為印度人幾十年來心中之痛。當年印度強人尼克魯事後也因此鬱鬱寡歡而逝。(當時)毛澤東在大勝之後，全軍(東線)撤退數百里，交還洞朗地區，贏得50多年來西南地區太平，節省國家資源甚。反共友(如肥亨利之流)卻嘲笑中共，係唔識野(或故意無知)。

---去返袁老頭呢一part，奉喻袁先生假如要去講軍事，真係去作些研究好些。唔好講些喜馬拉雅山咁高，果一邊好難守呢啲蠢話。係講緊洞朗地區以及克什米爾地區呀，有冇睇過這一次中印邊境衝突的視頻呀？是班公錯湖地區呀！五十幾年前中國都可以艱難地運兵去邊境，何況現在？高鐵已經通到去西藏，知無？唔明袁老頭點解認為印軍一直會打贏中軍。什麼6千架卡車，幾萬人馬，唔好連仔女都呃埋啦！
https://www.youtube.com/watch?v=MMA0esKmMlU

(26)

維園阿伯式的言論(s)
---又談中印戰爭(2)

查現代國際間的鬥爭沒有佔領對方國土的選項，唔興，亦不可行。依家唔係殖民地時代，一個國家首先是維護自己國家安全，其次是施加影響力，override 其他國家。比方美國，就是施加霸權，讓自己國家及人民可以低勞力高消費。說白點，就是有錢過其他國家及人民。其他國家崛起，要爭奪世界資源及利益(含各方面)，就產生競爭(和鬥爭)。唔係如袁老頭所說的「為了維護自由民主」去打人，不要幼稚。

施加霸權(影響力)，軍事力量是一種。但不是最終佔領對方國土，看看美國歷來的對外戰爭就知道。至於中印鬥爭，中印兩國從來都沒有想過要佔領對方全國，或征服對方的意思(如袁老頭口中所說「美國要殲滅中共」，你估你係癲佬雲咩)(注)，那只是邊界糾紛所產生的軍事沖突呀。稍為去翻下資料就知道，中印歷年來的邊界爭執及磨擦，印度只不過想爭返Ｄ邊界地方咁，而唔係妄想越過喜馬拉雅山，越過西藏去佔領全中國，唔好聽個傻老豆九噏。

(25)
注﹕傻佬袁成日話美國只是想打中共而唔係想打中國人民，痴L線。你點分得開中共與中國人民呀？唔通叫9千萬黨員排晒隊操出嚟俾你打？

https://www.youtube.com/watch?v=FpLw3zBcga8
《美港形勢唔係好，係大好---觀看次數：318,633次2020年6月6日》

維園阿伯式的言論(r)
---又談中印戰爭(1)

(1:13:38)
靚女袁最後又提中印戰爭的事，但不是無point，但都係基於無知。
靚女袁﹕「中印戰爭，印度節節會贏，咁會贏到去邊呢？」

---袁老頭當然唔知個女問乜，問非所答，佢基本上亦都唔知中印之間爭乜嘢，猛講地理因素，無得守。
我猜測，靚女袁其實係想問一個深層次問題，假如印度一路咁贏，唔通會佔領全中國？隱藏的意思是「美軍點樣佔領全中國？」這是她的傻老竇提出的傻想像，是他bring up「美軍45分鐘內打贏中國」的，之後會點先？

(24)