袁爸爸--維園阿伯扮代表救香港人！
---觀點多多，見解多多，其實是預測 20-06-08

朋友要我評一評呢一期好紅嘅袁爸爸(視頻)。睇咗佢兩三條片(其他的有些跳看)，條友講嘢幾趣緻，背脊厚(大商家、熟悉美國、花瓶袁的爸爸)，觀眾趨之若鶩。

條友好似乜都識D，又好似有Ｄ內幕。 觀點多多，見解多多(其實是預測)，卻是想當然耳，都是情緒化的wishful thinking，有些甚至講大話，蓋一維園阿伯矣。

條友個幾禮拜出咗10幾廿條片，其實只得幾個觀點(預測)，囉裏囉嗦，重複又重複，但又冇理論、冇證據、以及冇理據。除了他一些個人經歷之外，沒有值得聽之處。

(扮代表救香港人是以下一條片最後的一部份。)

https://www.youtube.com/watch?v=8wk7DaIMjkA
《袁弓夷(袁爸爸)：(中文字幕) 疫情損失慘重 美國會報仇重擊中共；預料在金融下手 港人莫怕要配合；習代江系掌管香港 控制政敵接管金融；國安法違法 美帶頭G7制裁｜2020年5月28日-268,594次•首播日期：2020年5月28日》

袁爸爸--維園阿伯扮代表救香港人！
---我能不說他是一個傻佬嗎？

他口口聲聲話美國打硬中國(and，45分鐘之內完勝)﹔話國安法未必會過﹔話所有主動權在美國手中。條友在鏡頭前慷慨激昂，話要替香港人向美國獻計，制服中國撤消國安立法咁話(上一條視頻最後的一段)。

幾個禮拜前那個桑普話美國為救香港同中國開緊戰，我都嘲笑佢是一個傻佬，咁呢個袁乜爸，我能不說他是一個傻佬嗎？

不要奇怪，香港人人心虛怯，要看政治視頻作治癒(藍黃皆是)，如食鴉片。此外，有些人喜愛看馬騮戲(如區區)---我稱之為網上performmer---真心膠亦是另一種馬騮戲。桑普係國安法出台之後，都話要著草，呢個揸住個幾廿年美國護照在華盛頓居住的袁乜爸，居然話「等共產黨來拉！」over唔overＤ呀？

阿貓阿狗都嚟作政經評論，唉！

(2)

袁爸爸--維園阿伯扮代表救香港人！
---理據On居，詞不達意

我選了他6月6號的一條片做評述。
https://www.youtube.com/watch?v=FpLw3zBcga8
《美港形勢唔係好，係大好---觀看次數：318,633次2020年6月6日》

(00:20)
頭一part，靚女袁問老竇﹕「點樣形勢唔係好，係大好」？條友嘅理據居然落在「中共合成病毒苦害了美國人民」+「侵侵性格及有仇必報」身上。我的天呀！相信連維園亞伯講嘢都唔會咁低b。(上述理由On居，本欄說過很多，不贅)。條友係完全唔睇報紙，唔睇資訊者，更莫說沒有頭腦了。「中共合成病毒」連美國人都不講了，他還講。

聽落去，條友可能連一般邏輯都欠缺(或叫無sense)，大概連「形勢」、「美港形勢」的定義係乜都不知。查「形勢不是小好，而是大好」是老毛名句，當時是一種精神鼓舞，而不是一種形勢估計。袁乜爸在這裡是耍嘴皮，但不知所謂。

(3)

袁爸爸--維園阿伯扮代表救香港人！
---條友精神分裂

聽他的意思，以侵侵之堅毅以及有仇必報之性格，中美必開戰---以上是條件---咁形勢則refer to timing吧！問題是，何以侵侵在國內如此焦頭爛額之際，會是一個好timing呢？簡直係九噏。

條友預測兩個月之內中美會開戰，但他完全唔知道乜嘢叫做打仗。條友知唔知道，1991年美國打伊拉克，就plan左六個月？而家中美仍在互通有無，大使未撤，僑未撤。中國連stop美國航班(疫情原因)，美國都話唔得，要開返，打條毛？條友活在平行時空中。條懵佬知不知道，中美開戰(他說的殲滅戰)，就表示係核子戰爭，全世界玩完。青山酒飯。

我猜，條友的真正意思可能係「國安法出得好，激起侵總統要打七佢」的這個形勢，是一種傻佬自我安慰法--好多人都怕國安法，佢唔怕咁款。另一方面，和大部份識飛的港蛆一樣，精神分裂，口囗聲聲話自己是中國人，緣何又明目張膽地做漢奸唆擺外國攻打本國呢？

(4)

注﹕聽到後邊(6:28)，晝面外一把男聲(林x陽？)都忍唔住反詰﹕「你點解覺得個形勢係大好呢？」

袁爸爸--維園阿伯扮代表救香港人！
---執政黨代表政府、政府代表國家

在這裏，對黃絲&反對派科普一下。除非你已是外國籍以及不承認自己是中國人(但中國是不承認雙重國籍的，留港人士小心)，你面對中共政權以及政府就是面對中國。你討厭以及要想推翻中共政權是一回事，但不能抹煞一個政權以及政府是代表一個國家的事實(法理上of國際)。

「我承認一個國家不等於我承認一個政權」是一句蠢話。執政黨就代表政府(政權)、就代表國家，和她是不是專制獨裁是兩碼子事，OK？

「中華人民共和國沒有一天統治過香港或台灣，所以不屬於中共」也是一句蠢話。蠢人大概連國家主權和朝代都分不清，that is﹕中共政權是延續民國國家主權，而民國政權是延續滿清國家主權of中國，知無？相等於一間屋宇的業主，老的死去之後，其子女後代也承繼了屋宇的業權(主權)一樣，租客難道能賴租？

(5)

袁爸爸--維園阿伯扮代表救香港人！
---咀臉醜陋

條友應該係美國籍(居美20多年)，不止精神分裂，而且是咀臉醜陋了，明明已經是美國人，卻在中國的土地上(香港)九叫自己是中國人，大罵其他香港生意人是賣國賊(第一條視頻最後一段)。還不止，還說要替香港人引美國阿爸來攻打本國(中國)！是哪門子心態？

關鍵當然是，條友認為香港不是屬於中國的---這是大部份黃絲、港獨友、反對派人的一種obsession，死症。但另一方面，條友又話「等共產黨來拉」，即承認香港是中國(中共)的地方啦！真係人都癲。

(6)

維園阿伯式的言論(a)

繼續評述維園阿伯式的言論﹕

(00:30)
袁﹔「美國係我哋的盟友…！」
---請問係乜盟友呢？當然他們的核心思想是﹕一個華裔美籍人返嚟香港做港蛆(分離主義、反中亂港)，認為香港是可分離的---條友又話明唔係港獨，但衰過港獨，尤如中國人(明朝)扮倭寇，引外國佔領香港---他們用虛無的人權民主自由權充正當性。

但我仲係唔明條友以什麼身份話美國係佢嘅盟友？當然這是黃絲最啱聽的語言，但邏輯上不通????嘛！

(7)

維園阿伯式的言論(b)

(1:08)
袁﹔「通俄門…後來查到乜都冇！」「份報告睇十分鐘就OK…」
---白x！報告書中已「顯示」侵侵有罪，但不足以起訴一個總統，不是「乜都冇」。生意佬即係生意佬，莫講話「嚴謹」「準確」的概念沒有，相信連是非感都欠奉。

(2:17)
袁﹔「武漢肺炎在彈劾的尾聲才發現，假如不是如此，侵侵會多啲時間去應付！」

---嘩，邊有咁賤x的托詞的？侵侵彈劾案2月5號已結束。中國要到2月中旬才全國警覺疫情，風馬牛。而美國在2月16號停止了中國往美國的班機，顯示了美國在當時已知道了新冠肺炎的嚴重性。駸駸一直話美國冇事，到三月下旬出事才防疫。條友又好似啲黃絲KOL咁，鍾意歪曲事物。

(8)

維園阿伯式的言論(c)

(5:52)
袁﹔「佢(駸駸)隊形非常之好！」
---講嘢真係唯心。他不知道美國現今的暴動幾乎醞釀著國家分裂嗎？他不知道國防部長在反駸駸嗎？更不要說民主黨的州長了(包括共和黨的州長)。

(6:02)
袁﹔「駸駸係我哋嘅領導…」
---癡九線！

(7:37)
插播一句蠢話﹕
靚女袁﹔「美國兵保護德國form邊個呀？」
---我的媽啊，《維基百科》仲話此女係「香港政治家」。她做人力主席時，我曾出文椰揄之，想不到做咗師奶之後，更政治xx。

個女白x，老竇跟住痴﹕
袁﹔「---將啲兵搬去台灣嗰度，頂住大陸！」
---此之謂低B過維園亞伯，點反共都唔會似癡成咁。

(9)

維園阿伯式的言論(c)

(5:52)
袁﹔「佢(駸駸)隊形非常之好！」
---講嘢真係唯心。他不知道美國現今的暴動幾乎醞釀著國家分裂嗎？他不知道國防部長在反駸駸嗎？更不要說民主黨的州長了(包括共和黨的州長)。

(6:02)
袁﹔「駸駸係我哋嘅領導…」
---癡九線！

(7:37)
插播一句蠢話﹕
靚女袁﹔「美國兵保護德國form邊個呀？」
---我的媽啊，《維基百科》仲話此女係「香港政治家」。她做人力主席時，我曾出文椰揄之，想不到做咗師奶之後，更政治xx。

個女白x，老竇跟住痴﹕
袁﹔「---將啲兵搬去台灣嗰度，頂住大陸！」
---此之謂低B過維園亞伯，點反共都唔會似癡成咁。

(9)