Oscer
原帖由 william.c 於 2023-2-3 13:47 發表
追得最勤的是遺世神鵰俠侶袁老坑和龔大姐,娛樂性實在豐富。
老簫的好少聽,實在很討厭他一籃子的「知識」。
肥趙博的反而越來越好聽。
在香港的作反友,最????猛的竟然是後發而至的On乜伯。
貨車佬大肥沐猴而冠,學人看天下,激死好多知識友。
令人印像深刻的是焦土派肥亨利,鑊鑊都好似籃絲言論,有資訊、有知識、有view。條友居然冇用YouTube,賺少好多錢。
海外KOL個個都係標題黨,日日都話「即將攻台」呃點擊,反映香港黃絲真係好希望打杖.....
我都嘗試逐一評價下網台主流KOL,收聽習慣:經常聽>間中聽>少聽>無聽(一次半次),以最近兩年為期間。
---------------------------------------------------------------
白頭翁(少聽):唔知點解佢個 Tone係反共長輩好受落,我阿媽、一位女性長輩都鍾意聽,早期我都有聽開、但阿侵退任後唔多想再聽佢鳩噏....
燈神(間中聽):其實佢係黃圈入面嘅維穩派,佢主力粉絲係收成期和理非(冷氣軍師),勝在話題夠廣;但作為人血饅頭之王,社會4%人渣應該係佢自己
河馬(無聽):擦鞋狗 Tone太過令我厭惡,主力粉絲係聽完燈神唔夠喉嘅收成期和理非
岸仔(間中聽):真正身土不二嘅勇者,立場同我相近、分析有理有節,但唔夠吸引力
貨車佬(間中聽):講咸濕野就最專業,時評大半時間係讀新聞加念經,分析水平似喺茶餐廳隔離檯嘅口水佬
塔哥(少聽):貨真價實焦土派,以恥笑黃圈為樂,網台界佢同Calvin最早推廣Patreon,好似話佢炒幣貼士幾準,都有本土派聽眾課金;因為小弟孤寒堅拒課金,但間唔時見到佢上白兵電台作客都一定會聽
生果哥(間中聽):當年工作壓力大、日日都要追聽,聽佢發癲、賣產品同埋講咸古係幾抒壓,近年生活如意就少咗聽
廢老Q(無聽):左膠、仇幼,最後同藍絲殊途同歸
老周(無聽):以前佢都話過最緊要俾得錢多,要佢講乜立場都得,呢幾年由財演變政演
19才子(間中聽):都係保持白鴿眼中產嘅定位,講下外國嘢幾好
星期二 Tony(經常聽):以前反本土、2019年變撐本土,經營手法有開創性,例如大字圖片、六部曲念經洗腦,肥仔Tony講嘢又幾幽默,消閒好選擇
光頭達(無聽):而家變咗廢人垃圾,講嘢口窒窒又對黃圈酸溜溜;一集節目有半集係屌傍友,主旋律係叫聽眾努力工作同埋要課金俾佢祈福,Youtube點擊數係全港最低
國師(少聽):主要係怪論,又係唔知點解,我阿媽覺得陳雲老師講嘢好有道理.....
神驅(少聽):典型三姓家奴,勝在把聲有特色,唔知佢善變歷史嘅人應該唔會抗拒聽佢讀新聞
老鱷(少聽):大部分節目都聽晒先會揀到佢
曹總(無聽):四平八穩,左膠立場我唔會聽
焚總(間中聽):四平八穩,主要聽佢講美股
馮同學(間中聽):可能我少睇書覺得政讀班做得悶,但佢喺光明頂夾才子、Raga夾KC做下把手,都係唔錯
羅教主(間中聽):主要係炒股野,風趣
虧佬德(少聽):講支爆講足幾年,聽到厭
珍姐(少聽):我對譚仔腔比較抗拒
林歪(無聽):唔係好明點解會每集有幾萬人睇條漏口佬一支公講三四個鐘....
末日博士(經常聽):串串地幾有風格,但要夾到好拍檔,夾法輪功嘅好悶、夾Raga幾好聽;經濟知識豐富,雖然貼士未必準,但值得聽嚟學下野
白兵(經常聽):資料蒐集詳盡有心思,最值得課金支持,不過我嘅個人原則係所有網上資源都應該免費....
細柒(少聽):睇樣都覺得佢精神病、係黃營CK,主力粉絲係最膽小嘅歸英派,鼓吹移民係抗爭、留港會成為人質阻礙美軍英軍行動、所有佢唔順眼嘅人都係熱狗,部份舉家移民嘅人都係中毒甚深嘅細柒粉....
劉國父(無聽):坐喺冷氣房睇電視捉鬼老屈就最睿智、最和理非,粉絲主要係鍾意喺朋友面前扮有學識但又唔多睇書嘅中高產,人血饅頭排行榜作亞望冠
大灣暉(無聽):19才子、劉國父、大灣暉嘅粉絲有同質性,都係扮撚晒野睇唔起人嘅中產,人血饅頭排行榜三哥
Bowa姨(無聽):中年宅男殺手,靠痴住細柒、譚炮吸納聽眾,難成氣候
涼粉腸(經常聽):撇除人格,台長係香港網台節目質素第一
澳門仔(間中聽):擦鞋仔Tone又係令人討厭,佢太過想彈起,不停撩其他台罵戰炒花生,心術不正,遲早將涼粉腸當Condom |